संतकवि रसखान की अनुपम कृति

• मानुष हौं तो वही रसखानि, बसौं बृज गोकुल गांव के ग्वारन।
• जो पशु हौं, तो कहां बस मेरो, चरौं नित नंद की धेनु मझारन।।
• पाहन हौं, तो वही गिरि को, जो धरयों कर छत्र पुरंदर धारण।
• ज्यौ खग हौं, तो बसेरो करौं मिली कालिंदीकूल कदम्ब की डारन।
• 
  
• या लकुरि अरु कामरिया पर, राज तिरु पुर को तजि डारौं।
• आठों सिद्धि नवों निधि को सुख, नंद की धेनु चराई बिसारौं।।
• इन आंखन सौं कबौं रसखानि, बृद के वन-बाग तड़ाग निहारौं।
• कोटिक हौं कलधौत के धाम, करील के कुंजन ऊपर वारौं।।
• 
  
• मोर-पंखा सिर ऊपर राखिहौं, गुंज की माल गरे पहिरौंगी।
• ओढ़ि पितंबर ले लकुटी, बन गोधन ग्वारिन संग फिरौंगी।।
• भाव तो वोहि मेरी रसखानि, सो तेरे कहे सब स्वांग भरौंगी।
• या मुरली मुरलीधर की, अधरान धरि अधरा ना धरौंगी।।
• 
  
• शेष महेश गणेश दिनेश, सुरेशहूं जाहि निरंतर गावै।
• जाहि अनादि अनंत अखंड, अछेद अभेद सुदेव बतावै।।
• नारद से सुक व्यास रटै, पचि हारे तौ पुनि पार ना पावै।
• ताहि अहीर की छोहरिया, छछिया भर छाछ पे नाच नचावै।।
• 
  
• धूरि भरे अति शोभित श्याम जू, जैसी बनी सिर सुंदर चोटी।
• खेलत खात फिरै अंगना, पग पैरी बाजती पीरी कछौटी।।
• जा छवि को रसखान विलोकत, बारत काम कलानिधि कोटी।
• काग के भाग कहा कहिए, हरि हाथ सों ले गयो माखन रोटी।ष
• 
  
• बैन वही उनको गुन गाई, औ कान वही उन बैन सो सानी।
• हाथ वही उन गात सरै, औ पाइ वही जो वही अनुजानी।।
• आन वही उन आन के संग, और मान वही जु करै मनमानी।
• त्यों रसखानि वही रसखानि, जो है रसखानि सो है रसखानि।।
• 
  
• शंकर के सुर जाहि जपै, चतुरानन ध्यावै धर्म बढ़ावै।
• नैक हिये जिहिं आनत ही, जड़ मूढ़ महा रसखानि कहावै।।
• जा पर देव अदेव भू अंगना, वारत प्राणन प्राणन पावै।
• ताहि अहीर की छोहरिया, छछिया भर छाछ पे नाच नचावै।।
•